မြန်မာယန်စီကော့ပါးလီမီတက်မှ ကြိုဆိုပါသည်။

စံပယ်တောင်၊ ကြေးစင်တောင် နှင့် လက်ပတောင်း စီမံကိန်းများသည် MYTCL မတိုင်မီ သတ္တုတူးဖော်မှု လုပ်ဆောင်ခဲ့သူများမှ ဖော်ထုတ်သတ်မှတ်ခဲ့ကြခြင်းဖြစ်ပြီး MYTCL သည် Wanbao Mining Ltd. ၏ အဖွဲ့အစည်းခွဲတစ်ခုအဖြစ် S&K သတ္တုသိုက်အား သီးခြားခွဲထွက်ဆောင်ရွက် နေပါသည်။ Myanmar Wanbao Mining Copper Limited ကမူ လက်ပတောင်းသတ္တုတွင်း၏ သတ္တုတွင်းလုပ်ကိုင်သူအဖြစ် ဆောင်ရွက်လျက်ရှိပါသည်။ Wanbao Mining သည် ငွေလုံးငွေရင်းမြှပ်နှံမှု RMB ၅ ဘီလီယံဖြင့် ၂၀၀၄ ခုနှစ်၊ အောက်တိုဘာလ ၂၇ ရက်တွင် စတင် ထူထောင် ခဲ့ပါသည်။ ပေကျင်းအခြေစိုက် သတ္တုတူးဖော်ရေး ကုမ္ပဏီအဖြစ် နိုင်ငံရပ်ခြားတွင် များစွာသော အဖွဲ့အစည်းအခွဲများထူထောင်ထားရှိပြီး သတ္တုစမ်းသပ်ရှာဖွေခြင်း၊ တူးဖော်ခြင်း၊ သတ္တုရိုင်းကြိတ်ခွဲသန့်စင်ခြင်း၊ သတ္တုအရည်ကြိုသန့်စင်ခြင်း၊ သတ္တုထုတ်ကုန် ကုန်သွယ်မှု နှင့် ဆက်စပ်စက်မှုလုပ်ငန်းများတွင် ရင်းနှီးမြှပ်နှံခြင်း နှင့် ပါဝင်လုပ်ကိုင်ခြင်းများ စသည်တို့ကို လုပ်ကိုင်လျက်ရှိပါသည်။ www.wbmining.com

ပြည်ထောင်စုသမ္မတ မြန်မာနိုင်ငံ ကြေးနီသတ္တုတူးဖော်ထုပ်လုပ်မှုလုပ်ငန်းကဏ္ဍတွင် ဦးဆောင်လမ်းပြ အဖွဲ့အစည်းတစ်ခုအနေဖြင့် လုပ်ဆောင်လျက်ရှိပြီး ပတ်ဝန်းကျင်လူ့အဖွဲ့အစည်းအရေးကိစ္စများ နှင့် စီးပွားရေးဆိုင်ရာ အရေးကိစ္စများအား ညီညွက်မျှတစွာ ပေါင်းစပ်မှုကို ရှေးရှုသော ချဉ်းကပ်မှုလမ်းစဉ်ကို ချမှတ် လုပ်ဆောင်လျက် ရှိပါသည်။ ပါဝင်ပတ်သက်သောလူများ၏ အခန်းကဏ္ဍသည် မည်သည့်လုပ်ငန်းတွင်မဆို ၇၅ ရာခိုင်နှုန်း နှင့်အထက် ပါဝင်သည် ဟု ကျွန်ုပ်တို့ ယုံကြည်ပါသည်။ စီမံခန့်ခွဲသူများတွင် ကြီးကျယ်ခမ်းနားသော အနာဂတ်အမြင်များ နှင့် ကောင်းမွန်သော အစီအစဉ်များ ရှိနေသော်လည်း အကောင်အထည်ဖော်ဆောင်ရွက်ရန်အတွက် ကိုက်ညီမှန်ကန်သောသူများ မရှိလျှင် မည်သည့်အောင်မြင်မှုအသီးအပွင့်မျှ ရရှိလာလိမ့်မည် မဟုတ်ပါ။ MYTCL တွင် အောင်မြင်မှုရယူရန်အတွက် တက်ကြွသူများ၊ အလုပ်လုပ်ကိုင်ရန် ဆန္ဒပြင်းပြသူများ နှင့် သူတို့၏ အကောင်းဆုံးစွမ်းဆောင်ရည်များကို ပေးအပ်ရန်အတွက် ယုံကြည်ခိုင်မာစွာ ကတိပြုသူများကို ခန့်အပ်ထားပါသည်။ အဖွဲ့အစည်းအတွင်း မှသာမက ပြင်ပမှပါ အတော်ဆုံး မြန်မာနိုင်ငံသားများကို အားပေးမှုများလုပ်ဆောင်ရန်၊ အလုပ်ခန့်အပ်ရန် နှင့် ချီးမြှင့်မှုများ လုပ်ဆောင်ရန်မှာ ကျွန်ုပ်တို့ လုပ်ဆောင်သွားမည့် လမ်းကြောင်း နှင့် ပန်းတိုင်ပင် ဖြစ်ပါသည်။

MYTCL သည် ဝန်ထမ်းများကို ပထမဦးစားပေး အနေဖြင့် ထားရှိပြီး ဘေးအန္တရာယ်ကင်းရှင်းရေး နှင့် လူမှုရေးဆိုင်ရာ အရေးကိစ္စများကို တိုးမြှင့်လုပ်ဆောင်ပေးလျက်ရှိ ရုံသာမက သတ္တုတူးဖော်မှုလုပ်ငန်းတစ်ခုအနေဖြင့် ဂရုတစိုက်ထိန်းသိမ်းမှုများ မလုပ်ဆောင်ပါက ရှောင်လွှဲမရသည့် သဘာဝပတ်ဝန်းကျင်ဆိုင်ရာ ထိခိုက်မှု ခြေရာများ လျော့နည်းစေရန်အလို့ငှာ ထိန်းသိမ်းကာကွယ်မှုများ နှင့် ပြန်လည်ပြုပြင်ကုစားမှုများ လုပ်ဆောင်နိုင်ရန်အတွက် ပညာပေးသင်ကြားမှုများကိုလည်း အဓိကလုပ်ငန်းတစ်ခုအဖြစ် လုပ်ဆောင်ပေးလျက် ရှိပါသည်။